Nursiz boqar ko`zlari,
Ajin bosgan yuzlari,
Sodda, Hushfe'l o`zlari,
Dadamning mexri shirin.
Zaxmatdan qo`li qadoq,
O`zi kasalmand biroq.
Sog`inchi qilar so`roq,
Dadamning mexri shirin.
Foydasi yo`q do`stlardan,
To`ydim o`ynoq ko`zlardan,
Oqibatsiz yuzlardan,
Dadamning mexri shirin.
Dardim olar quchog`i,
Ovingum xasrat chog`i,
Qalbi mexr o`chog`i,
Dadamning mexri shirin.
Bag`rimga bossam deyman,
G`uborim yozsam deyman.
Tokay sog`inchni eyman,
Dadamning mexri shirin.
Ismoil der do`stlarim,
Uni izlar ko`zlarim,
Ko`zga suray izlarin,
Dadamning mexri shirin.
Mexrsiz og`u oshim,
Ishonchli do`st sirdoshim,
Keksa Qalbi quyoshim,
Dadamning mexri shirin.
Istardim yuzga kirsin,
Davru davronlar sursin.
Doim yonimda tursin,
Dadamning mexri shirin.