Saudiya Arabistoni Oila kengashi ma'lumotlariga ko`ra, Muhammad ismi 2022 yilda dunyo bo`ylab eng ko`p qo`yilgan ism bo`ldi.
AQShning Babycenter tadqiqot kompaniyasi tomonidan e'lon qilgan hisobotda esa Muhammad 2022 yilda Buyuk Britaniyada eng mashhur o`g`il bolalar ismlari ro`yxatida birinchi o`rinni egallagan.
O`tgan yili Amerikaning ushbu tadqiqot kompaniyasi Muhammad ismi 2021 yilda ham Britaniyada tug`ilgan bolalar orasida eng ko`p qo`yilganini e'lon qilgandi. Kompaniyaning ma'lum qilishicha, Muhammad ismi ketma-ket beshinchi yil davomida chaqaloq ismlari ro`yxatida birinchi o`rinda turibdi.
Ginnesning rekordlar kitobida bu muborak ismni olganlar soni dunyo bo`ylab 70 milliondan ortiq ekani qayd etilgan.