Makoley Kalkin – 1980 yil 26 avgustda tug`ilgan amerikalik aktyor, musiqachi va podkaster. U o`tgan asrning 90-yillarida eng muvaffaqiyatli aktyor bolalardan biri sifatida e'tirof etilgan va ko`plab mukofotlarni qo`liga kiritgan.
Makoley Kalkin yoki bizga Kevin MakKalister nomi bilan yaxshi tanish bo`lgan aktyorni har birimiz beg`ubor va turli sinovlarga tayyor bola sifatida yaxshi eslaymiz. Uning dunyoga mashhur "Uyda yolg`iz" filmidagi roli dunyo yuzini ko`rganiga ham 30 yildan oshdi. Shu tariqa yosh yulduzga yangidan yangi rollar berila boshladi.
Kichkina bolaning bu tarzda kino olamiga kirib kelishi va qoyilmaqom rollari uchun "Oltin globus" mukofotini olishi unga kutilmagan shuhrat keltirdi va kino olamida yangi eshiklarni ochdi.
Kalkin yosh bo`lishiga qaramay 10 dan ortiq filmlarga suratga tushgan. Uning gonarari ham shu tariqa o`sa boshladi.
Kalkinning otasi unga administratorlik qilar va unga taqdim etiladigan yangi rollar va yosh yigitcha uchun ancha yaxshi bo`lgan gonarardan bosh tortardi. Chunki u farzandi uchun yanada ko`proq to`lashlari lozim deb hisoblardi. Bu esa rejisyor va kino olami vakillariga salbiy ta'sir ko`rsatdi. Aniqroq aytganda Kalkinga bo`lgan talab asta-sekin pasaya boshladi va u kino olamida uzoq muddatli tanaffus e'lon qiladi.
Keyinchalik, 2016 yilga kelib esa dunyo uchun sevimli qahramonimiz 35 yoshida o`zining aktyorlik faoliyatini yakunlaganini e'lon qildi.
Jurnalistlar va blogerlar uning giyohvand moddalar va spirtli ichimliklar iste'mol qilishi haqida ko`p bora yozishgan. Hattoki o`z joniga qasd qilmoqchi bo`lgani to`g`risida aytilgan. Undagi tushkunlik holatlari va noto`g`ri turmush tarzi aktrisa Mila Kunis (hozirda Eshton Katcherning turmush o`rtog`i) bilan munosabatlari buzilgandan so`ng boshlangan. Ular 8 yil davomida uchrashib yurishgan.
O`tgan yilning dekabr' oyida Makoley o`zining oxirgi rolini ijro etgan. U "DRYVRS" veb-serialidagi epizodda ulg`aygan Kevin MakKalister qiyofasida namoyon bo`lgan. U avtomobilni boshqara olmaydigan haydovchi rolida chiqqan.
Ammo Kalkinning "Uyda yolg`iz" filmi bugungi kunga qadar sevib tomosha qilib kelinadi. U baribir dunyo kino ixlosmandlari qalbida o`z o`rniga ega rol ijrochisi bo`lib qolaveradi.
DilmurodTilovovtayyorladi.