Beg’ubor bolalik davri bir-biridan qiziqarli o’yinchoqlar bilan qiziq va yodda qolarli. Har bir inson, tabiiyki, bolalik vaqtlarini o’yinchoqlar o’ynab o’tkazgan va bu ushbu davrning ajralmas qismidir. Quyida, barcha davrlarning eng ko’p sotilgan, eng sevib o’ynalgan o’yinchoqlari ro’yxatini keltiramiz. Va bir narsa aniqki, ularning hech bo’lmaganda bittasini siz ham bolaligingizda o’ynagansiz. Mutolaa davomida xotirangizga o’chmas bo’lib muhrlangan bolalik davrlaringizni eslashingiz aniq.
Kubik-rubik
Kubik-rubiklar dunyoda eng ko’p sotilgan o’yinchoqlardir. Hatto, bugungi kunda ham sotilish reytingida yetakchilikni qo’ldan bermay kelmoqda. Ushbu o’yinchoq 1974-yil bolgariyalik ixtirochi Erno Rubik tomonidan yasalgan.
Barbi
Qizlarning sevimli o’yinchoqlaridan bo’lmish Barbi qo’g’irchoqlari ilk marotaba 1956-yilda Mattel shirkati tomonidan ishlab chiqarilgan, amerikalik R. Handler ismli ayol tomonidan yasalgan. O’z mashhurligini bugungacha yo’qotmagan ushbu brend nomi ostida multfilm va kinolar suratga olingan.
Lego
Ko’pchilikka bolaligini eslatuvchi lego o’yinchoqlari 1980-yildan boshlab chiqa boshlagan. Lego’lar bugungi kunda ham bolajonlarning sevimli o’yinchoqlaridan biri. Hozirda ham ushbu nom ostida kompaniya o’z faoliyatini olib bormoqda. Ma’lumotlarga ko’ra, bugungacha 320 milliard lego o’yinchoqlari yasalgan.
Mashina o’yinchoqlari
Bolalikni mashina o’yinchoqlarisiz tasavvur qilish imkonsiz. Bugungi ko’rinishdagi ilk mashina o’yinchoqlari 1968-yil Hot Wheels kompaniyasi tomonidan ishlab chiqarilgan. Kompaniya bugungi kungacha 11 000 ta variant ostida 4 milliarddan ortiq mashinalar ishlab chiqargan.
Obruch (Halqa)
Halqa ilk marotaba 1958-yilda ishlab chiqarila boshlagan. Ko’pchilik undan jismoniy mashqlar uchun foydalangan. Hozirgi kunda unchalik mashhur bo’lmasa-da, hali ham eng ko’p sotilgan o’yinchoqlar qatorida turadi.
Ushbu ro’yxat jahon miqyosidagi ko’rsatkichlar yordamida shakllantirilgan bo’lib, davlatlar miqyosida o’zgarib turishi mumkin. Xo’sh, siz bolaligingizda qanday o’yinchoqlarni o’ynagansiz? Fikrlaringiz bilan telegram guruhimizda o’rtoqlashing.