Joriy o`quv yilida xalqaro fan olimpiadalaridagi g`oliblik uchun 2 milliard 686 million so`m pul mukofoti berildi.
Qayd etilishicha, bu o`quv davrida xalqaro olimpiadalarda 2 ta oltin, 1 ta kumush va 10 ta bronza, jami 13 ta medal' qo`lga kiritilgan.
Qarorga muvofiq, oltin medal' olgan o`quvchilarga bazaviy hisoblash miqdorining 500 baravari (165 million so`m), ustozlariga esa 450 baravari (148,5 million so`m)da pul mukofoti beriladi. Kumush medal' uchun o`quvchi BHMning 300 baravari (99 million so`m), ustozi esa 250 baravar (82,5 million so`m) miqdorida taqdirlanadi.
Shuningdek, bronza medal' uchun bazaviy hisoblash miqdorining 200 baravari (66 million so`m), ustozi 150 baravar (49,5 million so`m) pul mukofotlari bilan taqdirlanishi belgilab qo`yilgan.