Mahalliy yangiliklar
Ijtimoiy tarmoqlarda Toshkent shahar Yunusobod tumanida mashina 2 nafar bolani bosib ketgani aks etgan video tarqaldi. Ushbu holat yuzasidan Toshkent shahar IIBB maʼlumot berdi.
Aniqlanishicha, joriy yilning 20-dekabr kuni soat 16:30 atrofida Yunusobod tumani 8-mavze 16-uy qarshisida haydovchi 1986-yilda tugʻilgan N.A. (ayol kishi) Tracker avtomashinasini boshqarib ketayotib 2 nafar piyodalarni urib yuborgan.
YTH natijasida piyodalar 2015-yilda tugʻilgan Z.A. va 2013-yilda tugʻilgan M.A.lar tan jarohat olgan.
Holat yuzasidan Toshkent shahar IIBB YHXB masʼul xodimlari tomonidan surishtiruv harakatlari olib borilmoqda.