Toshkentda qilichbozlikning sablya yo`nalishi bo`yicha yoshlar o`rtasidagi Jahon kubogining navbatdagi bosqichi yakunlandi. Unda o`zbekistonlik qizlar yarim finalda Janubiy Koreya jamoasi ustidan 45:26, finalda esa Qozog`iston jamoasi ustidan 45:37 hisobida g`alaba qozondi.
Jamoa safida Fernanda Errera, Gulistan Perdibayeva, Nargiza Jaksibayeva va Samira Shokirova ishtirok etishdi.
Eslatib o`tamiz, yakkalik dasturida hamyurtimiz Fernanda Errera g`alaba qozongan edi.