Ijtimoiy tarmoqlarda 2010 yilda tug`ilgan shaxsni qo`shnisi kaltaklaganligi haqidagi xabar tarqaldi. Mazkur holat yuzasidan Farg`ona viloyati IIB rasmiy munosabat bildirdi.
Ma'lum bo`lishicha, joriy yilning 31 avgust kuni Furqat tumani Ingichka qishlog`ida yashovchi voyaga etmagan H.Q. qo`shnisi R.Y.ga tegishli «Nexia-3» rusumli avtomashina shinalariga ziyon etkazganligi sababli, R.Y.ning bundan jahli chiqib, uni urib tan jarohati etkazganligi aniqlangan.
Tibbiyot bo`limining tashxisiga ko`ra, H.Q.da bosh, peshona, bo`yin, o`ng elka bo`g`imi, teri osti gematomasi aniqlangan.
Hozirda mazkur holat yuzasidan Furqat tumani IIB tomonidan tergovga qadar tekshiruv harakatlari olib borilmoqda.