Massachusets Texnologiya Instituti (MIT) aspiranti Arnav Kapur odamlar va mashinalar o`rtasida xayolan muloqot qilish imkonini beruvchi ilg`or texnologiyani ishlab chiqdi. Bu haqda “ChatGPT Global” nashri xabar berdi.
Asli Hindistonning Dehli shahridan bo`lgan Kapur sun'iy intellekt bilan jihozlangan AlterEgo nomli qurilmani yaratdi, bu foydalanuvchilarga og`zaki gapirmasdan muloqot qilish imkonini beradi.
AlterEgo – periferik neyron signallarni ushlaydigan eshitish vositasi. Bu signallar foydalanuvchi so`zlarni xayolan o`ylaganda atrofga tarqaladi va qurilma shu signallarni ushlash orqali ishlaydi.
Yangi innovatsiya jismoniy shaxslarga mashinalar, sun'iy intellekt yordamchilari, xizmatchilar yoki boshqa odamlardan harakatlar yoki og`zaki ma'lumotlarsiz yordam so`rash imkonini beradi. Institutning tushuntirishicha, AlterEgo nutqida qiyinchiliklarga duchor bo`lgan shaxslarni, jumladan, skleroz kabi kasalliklardan aziyat chekayotganlarni qo`llab-quvvatlash uchun maxsus ishlab chiqilgan.
Loyihaning asosiy yo`nalishi nutqida nuqsoni bo`lgan shaxslarga yordam berishga qaratilgan bo`lsada, institutning ba'zi olimlari ushbu texnologiya insonlar va komp'yuterlarni uzluksiz rivojlantirish qobiliyatiga ega, deb hisoblaydi. Bu esa internet va sun'iy intellekt inson bilimi va qobiliyatlarini oshiradigan kelajakni anglatadi.
Arnav Kapur hozirda MIT Media laboratoriyasida media san'ati va fanlari bo`yicha doktorlik dissertatsiyasini himoya qilmoqda. Bundan tashqari, uning muallifligi ostida bir qator boshqa mashhur ixtirolar mavjud: 3D bosib chiqarish mumkin bo`lgan dron, gen ifodasini o`lchash platformasi, ko`rish qobiliyati zaif odamlarni reabilitatsiya qilish uchun qurilma va hatto Oydan tasvirlarni olish va Yerga uzatish uchun mo`ljallangan Oy rover.