Mahalliy yangiliklar
Bugun, 20 iyun kuni tongda 14 yoshli qiz o`z ehtiyotsizligi oqibatida yashash xonadonidagi chuqurligi 9 metr bo`lgan quduqqa tushib ketgan.
Bu haqda soat 07:15 da Toshkent viloyati Zangiota tumani Favqulodda vaziyatlar bo`limiga unga yordam zarurligi haqida tashvishli xabar kelib tushgan.
Habarga asosan, zudlik bilan FVV qutqaruvchilari aytilgan manzilga etib borib, maxsus qutqaruv anjomlari yordamida qizni quduq ichidan olib chiqqan va tez-tibbiy yordam xodimlariga topshirgan.
Shundan so`ng turli darajada tan jarohati olgan qiz malakali tibbiy yordam ko`rsatish maqsadida Respublika shoshilinch tez-tibbiy yordam ilmiy markaziga etkazilgan va hozirda shifokorlar nazoratida. Qizning umumiy ahvoli yaxshi.