Kayran Kvazi ismli 14 yoshli bolakay Ilon Mask boshchiligidagi SpaceX kompaniyasiga dasturiy muhandis sifatida ishga qabul qilindi. U SpaceX'ning sun'iy yo`ldoshli internet tizimi bo`lgan Starlink'ning muhandislik bo`limiga ishga kirgan.
Mutaxassislar yoshligida uning IQ darajasi aholining 99,9 foizidan ancha yuqori ekanini ta'kidlashgan. Kvazi esa quyidagi xotiralari bilan bo`lishgan.
«Bog`chada o`qiyotganimda bolalarga Bashar Asadning o`z xalqiga qarshi kimyoviy qurollardan foydalanishi haqida gapirib berganman va bolalar bu hikoyani eshitib yig`lagan. Bog`cha mudiri esa ota-onamga qo`ng`iroq qilgandi. Uchinchi sinfda esa o`qituvchimning tortishish kuchi haqidagi bilimlari chuqur emasligini aytganim uchun yil bo`yi uning qora ro`yxatidan tushmaganman».
Dilmurod TILOVOV tayyorladi