Bolalarni davlat maktabgacha ta’lim tashkilotiga qabul qilish uchun berilgan arizalar navbati (ro‘yxati) to‘g‘risidagi ma’lumotlarni search.mpe.uz havolasi orqali tekshirishingiz mumkin. Bunda siz ariza navbatga qo‘yilgan sana, ro‘yxatdagi tartib raqami, yosh guruhi hamda tashkilot raqamini aniqlashingiz mumkin bo'ladi.
Xizmat davlat maktabgacha ta'lim tashkilotlariga navbat haqida axborot olish imkonini beradi, buning uchun ilgari Yagona portal yoki Davlat xizmatlari markazlari orqali berilgan arizaning ro‘yxat raqamini ko‘rsatishingiz talab etiladi.
Ma'lumotlar barcha shaxslarga bepul taqdim etiladi, Bunga Vazirlar Mahkamasining 2018-yil 28-martdagi «Bolalarni davlat maktabgacha ta'lim muassasalariga qabul qilish bo‘yicha davlat xizmatlari ko‘rsatishning ma'muriy reglamentini tasdiqlash to‘g‘risida»gi 244-son qarori xizmat joriy etilishiga huquqiy asos sifatida xizmat qiladi.