Kecha, 13 may kuni Maktabgacha ta'lim agentligi binosida Toshkent shahridagi maktabgacha ta'lim tashkilotlarida 15 may «Halqaro oila kuni» munosabati bilan o`tkazilgan «Oilam uchun men o`z qo`lim bilan tayyorlagan sovg`am» nomli tanlovning g`oliblari taqdirlanib, ularning qo`l mehnati ishlari ko`rgazmasi tashkil etildi.
Ochiq osmon ostida bo`lib o`tgan tadbirda bolajonlar o`z qo`llari bilan tayyorlagan ijodiy ishlari, raqslari va chiqishlari bilan kelgan barcha ota-onalar va mehmonlarni xushnud etishdi.
Joriy yil aprel' oyining so`nggi o`n kunligi va may oyining birinchi o`n kunligida respublika bo`ylab ushbu tadbirni tashkil qilish va hududiy tashkilotlar hamkorligida g`oliblarni hududlarning o`zida aniqlash, sovg`alarni topshirish marosimlari o`tkazilmoqda.
Kecha agentlik binosida bo`lib o`tgan tadbirda tanlov yakunlari bo`yicha jami 36 nafar g`oliblar taqdirlandi va eng e'tiborli jihati bolalarga sovg`alar shaxsan vazir tomonidan topshirildi.
