Jahon yangiliklari
Yevropa Kengashi Parlament Assambleyasi payshanba kuni ukrainalik bolalarning Rossiya tomonidan o`g`irlab ketilishi va Rossiyaga deportatsiyasini “genotsid” deb belgilashga rasman ovoz berdi.
Rezolyutsiyada Rossiyaga kuch bilan olib ketilgan ukrainalik bolalarni xavfsiz qaytarish, shuningdek, bunga ko`maklashayotganlarga tegishli jazo choralari ko`rilishi talab qilingan – hisobotda to`plangan ma'lumotlar genotsidning xalqaro ta'rifiga mos kelishi ta'kidlangan.
Bunday holatlar Moskva mehribonlik uylari va tarbiya muassasalaridan noqonuniy deportatsiyalarni keng miqyosli bostirib kirishidan oldin ham yuz bergani qayd etilgan.
Assambleyaning portugaliyalik deputati Paulo Pisko taqdim etgan hisobotda deportatsiya qilingan bolalar rustilida qayta o`qitilayotgani, ukrain tilida gapirish taqiqlangani va Kreml' tashviqotlari orqali ruslashtirish jarayonini boshdan kechirayotgani aytilgan.
Ukrainalik bolalarni o`tkazish davlat siyosati sifatida "aniq rejalashtirilgan va tizimli ravishda tashkil etilgan", deyiladi rezolyutsiyada va "ularning ukraincha o`ziga xosligi bilan bog`liq har qanday xususiyatlarini yo`q qilish"dan jirkanch maqsad ko`zlangani qo`shimcha qilingan.
Muassasalarda yashovchi bolalar urush bo`lgan hududlardan evakuatsiya qilish niqobi ostida deportatsiya qilinadi. Boshqalar filtratsiya lagerlarida o`z oilalaridan ajratilgan.
Ukraina hukumatining aprel' oyi o`rtalarida olingan statistik ma'lumotlariga ko`ra, 19 384 nafardan ortiq bola Rossiyaga olib ketilgan yoki ko`chirilgan.