Har qanday oilada ruhiy buzilishlarga ega bolalar tug`ilishi mumkin, albatta. "Life in Joy" jamg`armasi asoschisi Marina Volkova 10 may kuni "Izvestiya" gazetasiga bergan interv'yusida bolalarda kuzatiladigan ruhiy buzilishlarning ilk alomatlari to`g`risida gapirdi.
Volkovaning ta'kidlashicha, eng qiyin tashxislarning aksariyati shifokorlar tomonidan tug`ilish bosqichi yoki homiladorlik paytida qo`yiladi. Shu bilan birga, autizm spektrining buzilishi (autizm)ni yoki psixomotor/psixoverbal rivojlanishning kechikishini aniqlash qiyin, bu keyinchalik aqliy zaiflikka olib kelishi mumkin.
"Agar bir yoshli bola ismini aytib chaqirganda javob bermasa, ko`z bilan yoki boshqa usulda ishora qilmasa, shuningdek, ikki yoshga to`lgunga qadar nutqi bo`lmasa (odatda ikki yoshgacha bolaning lug`ati 200-300 so`zni tashkil qiladi, bunda bola qisqa jumlalar tuzishga qodir) — bu sog`liq bilan bog`liq ruhiy muammolarning birinchi belgilari. Ular bilan yuqori ixtisoslashgan mutaxassislarga yo`llanma olish uchun nevrolog bilan bog`lanishingiz kerak ", — dedi u.
Hususan, uning so`zlariga ko`ra, umumiy tashxis qo`yish uchun nevrolog bilan maslahatlashishdan tashqari, nevropsixologga murojaat qilish kerak bo`lishi mumkin. Nutqni rivojlantirishda kechikish bo`lsa, defektolog tekshiruvidan ham o`tish kerak.
“Shifokorlarning birgalikdagi ishi muvaffaqiyatli terapiyaning garovidir, bunda jamoadagi mutaxassislar bolani tiklash bo`yicha muammolarni hal qilishadi. Mutaxassislar bolaning sog`lig`i bilan bog`liq muammolar bo`yicha o`zaro munosabatda bo`lishlari kerak, fikr almashish jarayonida uning sog`lig`ini yaxshilash uchun yagona yondashuv ishlab chiqiladi ", — dedi Volkova.