AQSh hukumati mamlakatning bir qator shtatlarida sog`lig`i uchun xavfli ishlarga jalb qilingan 100 dan ortiq voyaga etmaganlarni aniqladi.
Mehnat departamenti mamlakatning eng yirik firmalaridan biri Packers Sanitation Services Inc. kompaniyasining sakkizta shtatda 13 yoshli 102 nafar o`g`il bolalarning tungi vaqtda 13 ta qassobxonani tozalab yurganini aniqladi. Korxona oziq-ovqat mahsulotlarini sanitariya jihatdan qayta ishlash bilan shug`ullanadi, mamlakat bo`ylab 700 ta ob'ektda 17 ming ishchi ishlaydi.
Packers Sanitation Services Inc. kompaniyasi AQSh adolatli mehnat standartlari qonuniga ko`ra 1,5 million dollar jarimaga tortildi. Qoida mehnat qonunchiligini buzgan holda ishga yollangan har bir voyaga etmagan bola uchun 15 138 dollar undirishni nazarda tutadi.
Mehnat departamentining aytishicha, tungi smenada ishlagan bolalar o`tkir arra va jihozlarni tozalash uchun xavfli kimyoviy moddalardan foydalangan.
Bolalar himoyachilarining ta'kidlashicha, jabrlanuvchilarning ba'zilari yaqinda AQSh janubiy chegarasini kesib o`tgan voyaga etmagan qochqinlardir. Chegarada tekshirilgandan so`ng ular Sog`liqni saqlash va aholiga xizmat ko`rsatish vazirligining Qochqinlarni joylashtirish boshqarmasiga topshirildi.