Mahalliy yangiliklar
21 aprel' kuni soat 14:00dan 15:00ga qadar bo`lgan oraliqdagi vaqtda Andijon viloyati, Oltinko`l tumanidagi 31-sonli davlat maktabgacha ta'lim tashkilotida tarbiyalanayotgan 4 yoshli Lutfullayev Hushnudbek maktabgacha ta'lim tashkilotining kun tartibidagi uyqu vaqtida uxlayotganda olamdan o`tgan.
Tashkilot hamshirasining ma'lum qilishicha, ertalabki qabul jarayonida tarbiyalanuvchi Lutfullayev Hushnudbekda hech qanday kasallik alomatlari kuzatilmagan.
Kun tartibidagi uyqu vaqtida har doimgidek bolalar uyquga yotqizilgan va tarbiyachi tomonidan tarbiyalanuvchilarni uyqudan uyg`otishganda bola o`rnidan turmagan va darhol tez yordamga murojaat qilingan hamda tibbiyot xodimlari tomonidan tarbiyalanuvchi tibbiy nazoratdan o`tkazilgan. Natijada bola uyqu vaqtida olamdan o`tganligi ma'lum bo`lgan.
"Bolalar olami" internet nashri nomidan Hushnudbekning oila a'zolariga sabr tilagan holda o`z ta'ziyamizni izhor etamiz!