Jahon yangiliklari
Avstraliya va Yangi Zelandiyadan Buyuk Britaniyaga jo‘natilgan bolalar kitoblari va stol o‘yinlari ichidan ikki yuz ming funt-sterling miqdoridagi kokain hamda metamfetamin moddalari topildi. Ushbu giyohvandlik moddalarini yuqoridagi tovarlar orasiga yashirilgan holda olib o‘tishga urinilgan.
Politsiya xodimlari boshqa tergovda musodara qilingan telefon ma’lumotlari orqali mazkur holatni aniqlashga muvaffaq bo‘ldi. Qayd etilishicha, narkotiklar kitob muqovalari orasiga va stol o‘yinlarining ichiga berkitilgan. Ushbu holat bo‘yicha hozirda 9 kishi hibsga olindi.