Jahon yangiliklari
Gʻazo sektoridagi shifoxonalarda soʻnggi 24 soat ichida kamida toʻqqiz bola ochlikdan vafot etdi.
Maʼlumotlarga koʻra, soʻnggi 24 soat ichida anklav shimolidagi Kamol Advan shifoxonasida yetti nafar bola toʻyib ovqatlanmaslikdan vafot etgan. Yana bir nechtasi ogʻir ahvolda qolmoqda.
“Ularga gʻamxoʻrlik qilish qiyin, chunki shifoxonada elektr generatorlari uchun yoqilgʻi tugamoqda”, – deyiladi xabarda.
Sogʻliqni saqlash vazirligi Al-Shifa shifoxonasida suvsizlik va toʻyib ovqatlanmaslikdan yana ikki bola halok boʻlganini aytdi.
Birlashgan Millatlar Tashkilotining Gumanitar masalalarni muvofiqlashtirish boshqarmasining tegishli maʼlumotlariga koʻra, 570 mingdan ortiq aholi (Gʻazo aholisining toʻrtdan biri) “ochlikdan bir qadam uzoqda” va anklav shimolidagi ikki yoshgacha boʻlgan har olti boladan biri toʻyib ovqatlanmaslikdan aziyat chekmoqda.