Sirdaryo viloyati Guliston tumanida o‘quvchilar bo‘lgan Gentra kanalga tushib ketdi. Viloyat IIB holat yuzasidan dastlabki ma’lumotlarni ochiqladi.
Ma’lum qilinishicha, 14-yanvar kuni haydovchi avtomashinani Guliston tumani, “Inoqlik” mahallasi hududidan o‘tgan “O‘ng tarmoq” kanalining o‘ng tomonida joylashgan mahalliy ichki yo‘l bo‘ylab boshqarib borayotib, rul boshqaruvini yo‘qotib, kanalga tushib ketgan.
Tarmoqlarda bolalarning 3 nafari tirik qolgani, 2 nafari esa suvda oqib ketgani aytilmoqda. Ikki yigit egizak bo‘lgan.
“Kecha Sirdaryo, Gulistonda 5 nafar maktab oʻquvchilari Lasetti minishgan va daryoga mashina bilan tushib ketishgan. Bolalarning 3 tasi tirik qolgan, 2 tasi esa suvda oqib ketgan. Oqib ketgan 2 nafar bolalar Hasanxon-Husanxon boʻlishgan... Hasanxon suvdan oʻzi chiqqan va ukasi Husanxonni qutqaraman deb suvga tushib, oʻzi ham oqib ketgan. Hozirda mahalla, FVV, Ichki ishlar xodimlari hamkorlikda suvdan Hasanxon va Husanxonlarni qidirishmoqda... Siz ham videoni tarqatib, Hasanxon va Husanxonlarni topilishida yordam beringlar”, — deyiladi tarqalayotgan xabarlarda.
Hozirda holat yuzasidan surishtiruv harakatlari olib borilmoqda.