Jahon yangiliklari
Olimlar bolalar uchun ertak yozadigan sun'iy intellektni yaratdilar. Ha, endi sun'iy idrok nafaqat mavjud ertaklarni hikoya qilib berishi, balki o'zi ham ertak to'qishi mumkin.
Massachusets Texnologiya Instituti (MIT) tadqiqotchilari foydalanuvcha ma'lumotlari asosida, tasvirlar va matnlar orqali ertak yaratuvchi sun'iy intellektga ega veb-saytni ishga tushirishdi.
Aslida, bu juda qiyin jarayon. Chunki AI qanchalik ko'p bilimga ega bo'lmasin, u yozgan matn yoki yaratgan tasvirlariga hissiyot bag'ishlay olmaydi. Olimlarni qiynaydigan jihat ham aynan mana shunda edi. Chunki ertak kutilmagan yo'nalish, izchillik va o'ziga xos ohangga ega bo'lishi kerak.
Tadqiqotchilar ushbu veb-saytni ishga tushirish jarayonida turli AI modellarining eng yaxshi jihatlarini jamlashga harakat qilishdi. Uni baholash uchun odamlarga taqdim etilganida, natijalar chakki emasligi ma'lum bo'ldi.
Foydalanuvchilar sun'iy intellekt yaratgan ertakni 3 ta yo'nalishda, 5 ballik mezonda baholashi talab etildi. Unga ko'ra foydalanuvchilar ertaklardagi aniqlikni 3,4 ga, ijodkorlikni 3,7 ga va izchillikni 3,5 ga baholashgan.