Mahalliy yangiliklar
Kecha, 16 mart kuni Toshkent shahar Yunusobod tumanidagi 272-o‘rta umumta’lim maktabida kitobxonlikka bag‘ishlangan bayram tadbiri bo‘lib o‘tdi. Unda bolalarga kitob ulashilib, kitoblar haqida ma’rifiy suhbatlar uyushtirildi. Xususan, Respublika bolalar kutubxonasi "Ma’lumot bibliografiya" bo‘limi bosh bibliografi Shoxista Sattorova hamda "Madaniy-ommaviy tadbirlarni tashkillashtirish" bo‘limi tashkilotchisi Zarina Yuldashevalar ikkinchi va uchinchi sinf o‘quvchilari davrasida mehmon bo‘lishdi. Ularga Respublika bolalar kutubxonasi faoliyati, u yerda yosh kitobxonlarga taqdim qilinayotgan kitoblar, badiiy adabiyotlar va kitobxonlikning ahamiyati haqida so‘zlab berishdi. O‘quvchilarga she’riy, ertak va hikoyalar to‘plamlarini sovg‘a qilishdi. Bolajonlar esa mehmonlarga o‘zlarining o‘qigan kitoblari haqida so‘zlab, yod olgan she’rlaridan aytib berishdi.
.png)