Oʻzbekistonlik shaxmat ustasi Nodirbek Abdusattorov 2023-yilda 12 ta musobaqada ishtirok etib, 190 ming AQSH dollari miqdoridagi pul mukofotiga ega chiqqan.
Yil davomida jahonning eng koʻp daromad qilgan shaxmatchisi xitoylik grossmeyster Ding Liren boʻldi. U 2023-yil davomida turnirlardan 1 228 200 AQSH dollari miqdorida pul topgan.
Ikkinchi oʻrinni rossiyalik Yan Nepomnyashiy qayd etdi – 1 226 825 AQSH dollari. Uchinchi oʻrinni esa Magnus Karlsen egalladi – 705 155 AQSH dollari.
Ma'lumot uchun: Nodirbek Abdusattorov 2004-yil 18-sentyabr kuni Toshkent shahrida tug'ilgan. Nodirbek xalqaro toifadagi grossmeyster. tezkor yoʻnalishdagi shaxmat boʻyicha jahon chempioni, shaxmat tarixidagi beshinchi eng yosh grossmeyster, Hindistonning Chennay shahrida oʻtkazilgan 44-shaxmat Olimpiadasi g‘olibi, Oʻzbekiston iftixori medali sohibi hisoblanadi.