Turkiyada it hujum qilishi oqibatida 4 kishi jarohat oldi, ularning 2 nafari bolalardan iborat. Ma’lumotlarga ko’ra, ushbu voqea 25-yanvar kuni Istanbulning “Huzur” mahallasida sodir bo’lgan. Ko’chada ketayotgan bir ona va uning ikki bolasiga it to’satdan tashlangan. Bolalarning biri 7 yoshda, ikkinchisi 3 yoshda bo’lgan.
Ularga yordam berishga harakat qilgan boshqa fuqaro ham it tishlashi oqibatida yaralangan. Jarohatlanganlar tumandagi “Numune” kasalxonasida davo muolajalarini amalga oshirishdi.
Voqea tasvirlari yaqin-atrofdagi turar-joy binolari xavfsizlik kameralariga tushib qolgan. Kadrlarda “ayblanuvchi”ning shahar ko’chalarida izg’ib yurgani, ona va bolaga tashlangani va atrofdagilarning aralashuvini kuzatish mumkin.
Ayni paytda, it xavfsizlik xodimlari tomonidan maxsus joyga olib ketilgan.