Jahon yangiliklari
Janubiy Afrika Respublikasidagi Pulamadibogo Primary School boshlang`ich maktabining 90 ga yaqin o`quvchisi tarkibida nasha borligi taxmin qilingan kekslarni eb, kasalxonaga yotqizildi.
Rasmiylarning aytishicha, o`quvchilar kekslarni maktabga ketayotganda ko`cha sotuvchisidan sotib olgan.
Bolalar ko`ngil aynishi, qorin og`rig`i va qayt qilishdan shikoyat qiladilar, uch nafar qiz hamon kasalxonada.
Politsiya ikki gumonlanuvchini hibsga oldi va ularni qotillikka urinishda aybladi.
21 va 19 yoshli gumonlanuvchilar juma kuni Soshanguve magistratura sudiga keladi, deyiladi politsiya xabarida.
Gauteng provintsiyasi ta'lim boshqarmasining aytishicha, o`qituvchilar sinfdagi bolalarning “g`alati xatti-harakatlarini” payqab, tez yordam chaqirgan.
Toksikologik testlarni o`tkazayotgan politsiya ma'lumotlariga ko`ra, 90 dan ortiq o`quvchi kekslarni edi va "qattiq og`riq" ni boshdan kechirdi.
Ta'lim bo`limi bayonotida aytilishicha, ularning barchasi yaqin atrofdagi tibbiyot muassasalariga yuborilgan va “taxminan 87 nafari” shifoxonadan chiqarilgan.
"Kasalxonada faqat uchta o`quvchi qolmoqda, ular hali ham davolanmoqda", - deyiladi xabarda.
Joriy yilning boshida Demokratik Al'yans (DA) bolalar «space cookies» deb ataladigan ovqatni iste'mol qilganidan keyin kasalxonaga yotqizilganidan keyin ko`cha sotuvchilarni qattiqroq tekshirishga chaqirdi. Partiya matbuot kotibi Hume Ramulifo ham provintsiya hukumatiga maktab xavfsizligini yaxshilash uchun bosim o`tkazishini aytdi.