Hech kim bir bolaning qobiliyatlarini kashf qilishda ota-onalar kabi ma'lumotga ega emas. Ayniqsa, onalar bu borada ko`proq imkoniyatga egadirlar. Bolaning kichikligidanoq uning mayllarini, qiziqishlarini ulardan ko`proq biladigan kimsa bo`lmasa kerak. Shu sababdan ota-onalar, xususan onalar farzandlarining kelajagi uchun ularning qobiliyatlarini to`g`ri yo`naltirishlari lozim. Faqat yaxshi niyat har doim ham yaxshi natija bermasligi mumkin. Shunday ekan har bir ota-ona ona qornidan boshlab bolaning ruhiyatini kuzatishi va uni har tomonlama kashf qilish uchun g`ayrat qilishi kerak bo`ladi.