Portugaliyalik futbolchi Krishtianu Ronalduning o'g'li ham futbol bilan shug'ullanadi va yaqinda uning otasi uslubida kiritgan super goli ijtimoiy tarmoqlarni "portlatgan" edi.
Saudiya Arabistonining "Al-Nasr" klubida to'p surayotgan super yulduz o'g'lining o'ziga xos chaqirig'iga javob qaytardi va jarima zarbasi bo'yicha master klass ko'rsatdi.
"Krishtianu, bu senikidan yaxshiroq chiqdi", – degan besh karra oltin to'p sohibi o'z o'g'liga murojaat qilar ekan.
Video Instagramda taniqli "433" kanaliga joylangan va 9 soatda 7 millionga yaqin ko'rilgan. Mazkur video izohlariga nazar tashlansa, muxlislar ko'proq kichik Ronalduning golini yuqori baholashganiga guvoh bo'lish mumkin.