Burundan qon ketishi juda tez uchraydi, ammo tashvishlanishga sabab bo`la olmaydi. 10 daqiqa davomida bolaning burnini mahkam siqib turing. Burundan qon oqishi to`xtamasa, burnini yana 10 daqiqa siqib turing. Qon ketishini to`xtata olmasangiz, farzandingizni shifokor yoki tez yordam bo`limiga olib boring.
Bolalarda burundan qon ketishi
Bolalarda burundan qon ketishi juda keng tarqalgan. Ba'zi bolalarda ular tez-tez uchraydi.
Bolalarda burundan qon ketishi mumkin, agar: · ular burunlarini kovlashsa
- burunlarini qattiq urib olishsa yoki juda qattiq qoqishsa
yot jismlarni burunlariga tiqib yuborishsa
- ularda allergiya bo`lsa
- burun, tomoq yoki burun bo`shliqlarida infektsiya bo`lsa
· burun spreyi kabi dorilar noto`g`ri ishlatilsa
- ich qotib qolganda ko`p zo`riqishlar kuzatilsa
-quruq havo tufayli burunda ta'sirlanish bo`lsa
Burundan qon ketishining kam uchraydigan sabablariga qon ivishining buzilishi, qon tomirlari kasalliklari va boladagi boshqa kasalliklar kiradi.
Bolaning burnidan qon ketganda shifokorga murojaat qilish kerakmi?
Farzandingizni shifokorga ko`rsatishingiz kerak, agar:
- burun qattiq bosib turilishiga qaramay, qon ketish 20 daqiqadan keyin ham to`xtamasa
- farzandingizning umumiy ahvoli yomon, rangi oqarib ketgan yoki tanasida sababsiz ko`karishlar bo`lsa
-farzandingiz ikki yoshga to`lmagan va burnidan qon ketayotgan bo`lsa
-farzandingizda muntazam burundan qon ketishi kuzatilsa
Burundan qon ketishini davolash
Burundan qon ketishini davolashning birinchi qadami – xotirjamlikni saqlash. Bu qon ko`rinishi va ta'midan bezovtalangan farzandingizga yordam beradi. Yig`lash burundan qon ketishini yomonlashtirishi mumkin.
Keyingi qadam - ko`rsatkich barmog`ingiz va bosh barmog`ingiz bilan burun teshigining yon tomonlarini (burunning yumshoq qismi) qattiq siqib turish lozim.
Farzandingiz o`tirgan holda, boshini qimirlatmasdan biroz oldinga egilib turgan holatda bo`lishi va burun teshiklarini 10 daqiqa siqishda davom etishingiz kerak. Uni yotqizmang va boshini orqaga tashlamang. To`liq 10 daqiqa kuting. Qon ketishi to`xtaganini tekshirmang.
Farzandingizning burnini 10 daqiqalik siqishdan keyin ham qon ketishi to`xtamagan bo`lsa, muolajani yana 10 daqiqa takrorlang.
Agar qon to`xtasa
Farzandingiz taxminan 24 soat davomida burnini qoqmasligi yoki kovlamasligi uchun uni kuzating. Bu burundagi qonning qotishiga yordam beradi.
Farzandingiz biroz qon yutgan bo`lsa, burundan qon ketishi paytida yoki undan keyin qusishi mumkin. Bu juda keng tarqalgan holat bo`lib, farzandingiz qonni tupurib tashlashi kerak.
Agar qon to`xtamasa
20 daqiqa ichida yuqoridagi muolaja yordamida qon ketishini to`xtata olmasangiz, darhol shifokorga murojaat qiling yoki bolani shifoxonaga olib boring.
Burunni tamponlash (marli mato bilan berkitish)
Bu burun qonashining keng tarqalgan davolash usuli. Shifokor farzandingizning burniga maxsus matoli tampon kiritadi. Mustaqil tamponlash mumkin emas: noto`g`ri yoki qoidaga ko`ra qilinmagan harakatlar bilan burunni yanada ko`proq shikastlash mumkin. Jarayon mutaxassis tomonidan amalga oshirilishi shart.
Juda kamdan kam hollarda, bolani otolaringolog mutaxassisiga ko`rsatish va davolash uchun shifoxonaga yotqizish kerak bo`lishi mumkin.
Burundan qon ketgandan keyin
Farzandingizning burnidan qon ketgandan keyin nima qilish kerak?
keyingi 24 soat ichida uning dam olishiga ishonch hosil qiling
issiq hammom/vanna qabul qilishiga ruxsat bermang
burnini qoqmasligi va kovlamasligi uchun uni kuzating
Shifokor farzandingizga burun quruqligini yo`qotish uchun tuzli burun spreyi yoki malhamidan foydalanishni tavsiya qilishi mumkin.